A bandona cacho di 14 aña na un shelter door cu el a bira 'bieu'.
 
Sophia, un golden retriever di 14 aña tabata bibando cu un famia na New York, Merca. E fundadora unda cu Sophia ta bibando a bisa cu su prome doño Casey Newton, tabata buscando un hogar p'e cacho pero e no a haya pues, el a dicidi di hiba Sophia na Friends Forever Animal Rescue, ya cu e famia di Sophia mester a muda y nan no por a cuide mas door cu el a bira 'bieu'. E caso aki a bay viral na Merca a logra haya fondo p'e cacho y varios hende tabata interesa di adopta Sophia aunke e tin 14 aña. Sinembargo, un di e veterinario cu ta traha na e shelter a dicidi di hiba Sophia su cas hunto cu su famia, awor Sophia tin un famia cu ta stime y dune hopi amor.