Abo sa ki efecto bo palabra por tin riba un otro?

Mayoria biaha nos ta cla pa duna nos opinion y expresa nos pensamento pero nos no ta conciente di e efecto cu un simpel palabra por tin riba un otro persona. 

Cu un palabra bo por sea daña of drecha un hende su dia. 

Con pa mehora bo mes a traves di bo palabra: 
- Duna palabra di elogio.
- Duna respet na otro na momento di expresa bo mes.
- Enrikece hende cu bo palabra. 
- Evita di haci keha di otro of abo mes keha constantemente. 
- Haci uzo di palabra nan positivo. 
- Haci pregunta enbes di duna ordo.
- Priorisa bo estado di animo a traves di bo palabra nan.

Den un mundo unda diariamente tur hende ta luchando y batayando cu nan dificultad nan, sea mas comprensivo cu otro hasta si ta via red nan social.
Cu un tiki empatia pa otro nos por aporta na evita haci daño na otro hende cu nos palabra nan. 

Cuida bo lenguahe y bo lo biba mas feliz y miho.