Funcion secreto’ di Amazon Alexa dama a descubri infidelidad di su pareha.

​

Jessica Lowman tabata mortifica y a dicidi di comparti su experiencia di descubri infidelidad di su pareha riba su TikTok (@jessicalowman1), mediante e historial di un dispositivo; Amazon Alexa. Su video di e revelacion impactante aki a bay viral cu mas di 3.5 miyon bista den alrededor di 48 ora. A resulta cu ora Jessica a bay check historial di bos di e dispositivo Alexa, el a yega na un grabacion cu el a haya sospechoso. El a scucha un hende muher ta pidi Alexa, pa toca e cantica "Power Trip" di Miguel. Den un di dos audio graba riba Alexa, cu a keda den e historial algun momento despues di e prome peticion, ta scucha e bos di su guy, ta pidi asistencia pa subi e volumen di e mesun cancion: “Alexa, volumen ocho”.

Ambos audio a confirma cu e pareha tabata hunto den e cas, ora cu Jessica no tabata presente. Pues mas cu claro, Jessica a conclui cu su guy tabata infiel cu otro muher dentro di su propio hogar. Jessica no a duda niun momento pa termina su relacion amoroso mesora y awor ta inspira tur hende muher, pa haci uzo di e funcion secreto di Amazon Alexa. Esaki por yuda tur muher haya sa kico ta pasando den nan propio hogar,  mientras cu nan ta traha of bay scol. Lowman a splica cu esun cu ta desea di haci uzo di e herment aki, mester djis drenta den e sistema y bay na e configuracion di e privacidad di Alexa y primi na e opcion: revisa historial di bos.