AMOR PROPIO: Dos palabra simpel y alabes significante.

Actualmente nos ta biba den un mundo moderno cu movecion constante, unda cu responsabilidad nan ta principal y necesidad nan di otro ta bin prome cu di nos mes.
Ta importante pa no lubida riba amor propio.
Amor propio ta e refleho di bo relacion cu bo mes y con bo ta sinti cu bo fisico, personalidad, caracter y bo comportamiento.

Con pa practica amor propio?

Sea agradecido y orguyoso di bo mes.
Scucha bo stem interior.
Acepta cu bo ta bunita manera cu bo ta.
No acepta menos di locual bo merece.
Consenti bo mes. 
Compliment bo mes diariamente. 
Trata bo mes cu amor manera bo lo hasi cu un otro.
Compronde cu bo merece tur cos bon.
No laga bo felicidad depende di otro hende.

Esaki ta importante pa practica pa e ser femenino y masculino.

Hopi hende ta kere cu amor ta solamente locual bo ta ricibi, pero e amor mas dificil y importante ta esun cu bo ta duna bo mes.
Ora bo ta stima y acepta bo mes, bo ta siña hende con nan mester stimabo y bo ta biba feliz y na paz cu bo mes. 
Felicidad ta e meta principal di amor propio.