Amor ta pone muher Mericano casa y muda pa Africa.

 

Definitivamente cu amor ta move e seronan di mas halto cu por tin y no conoce barera. Deborah Baby, un dama cu tabata biba na Sacramento, California, Merca, a sorprende ful su famia, ora el a duna nan e gran noticia  cu e ta bay biba na Africa. Y pa completa e noticia, Deborah a bisa nan, cu e ta bay pa casa cu un homber, cu ta 30 aña menor cu ne. 

Tur cos a cuminsa na october 2017, na momento cu Deborah a biaha pa Tanzania. Esaki tabata durante un bishita turistico na e lama, Zanzíbar hunto cu su yiu muher, Royce. 

Saitoty a ofrece e damanan aki souvenirs di e lugar, pero nan no a acepta esaki. Prome cu nan a bay, Deborah a puntra e homber, pa nan saca un potret hunto, ya cu Deborah a bis’e, cu e ta e prome hende cu el a sera un amistad cu ne eynan. Despues di dos siman cu e muher a bay bek su pais, nan a keda den contacto cu otro. Dado momento nan a dicidi pa reuni bek y asina tur cos a cuminsa. Na prome instante Deborah su famia no tabata di acuerdo, pero despues nan a apoy’e y acepta e decision pa e bay biba te na Africa.