R. Kelly e artista di e cancion "i believe i can fly", ta confrontando acusacion nan nobo den su caso criminal na Chicago, cu ta bai corte otro luna. E biaha aki, R. Kelly ta wordo acusa di a abusa di un mucha homber menor di edad cu e la conoce den un fast food restaurant. E fiscal den su caso federal di traficacion sexual tin evidencia di crimen nobo cu R.Kelly a comete. Segun informacion nan na 2006 R.Kelly a conoce un mucha homber den un famoso cadena di fast food restaurant y a invite na su cas na Chigaco unda cu despues e situacion a bira sexual. E mucha homber di 17 aña lo a introduci R.Kelly na un otro menor di edad cu tambe e ta wordo acusa di a abusa sexualmente. 

R.Kelly cu ta conoci como un di e miho artista nan di R&B, su carera a wordo mancha cu rumor nan di abuso, despues cu na 2019 a sali un docuseries cu mas di 50 entrevista contando di su pasado controversial.