Aruba a ‘take over’ Bogota den fin di siman.

​

Hopi Rubiano a pasa nan fin di siman na Bogota, Colombia pa presencia e concierto di Karol G.

E cantante a culmina su gira ‘Mañana será bonito’ na Colombia unda cu miles di fanatico a biaha pa presencia e concierto aki.
Ambos anochi e stadion El Campin tawata yena cu mas di 40 mil persona.
 
E prome anochi Karol G a invita un fanatico hunto cu su ruman muhe pa presencia su proximo show na Peru, como regalo ya cu e fanatico aki a asisti 5 concierto di Karol G.
Durante e ultimo anochi, Karol G a tuma un momento pa admira tur poster y bandera presente, den cual e bandera di Aruba a destaca.
E cantante a puntra e publico di cua pais e bandera aki ta y den e multitud di hende por a tende Aruba su nomber resona.
Un momento emocionante y special pa tur Arubiano presente.
 
Un show yena cu hopi color, magia, energia y emocion pa e cantante como tanto pa su fanatico nan.
Riba red nan social por a mira solamente cara nan alegre pa tur cu a presencia e show nan aki y por comproba cu tur presente a comparti un anochi inolvidabel cu e cantante y a sinti e significado di ‘Mañana será bonito’.
 

E proximo concierto nan lo tuma lugar na Peru, Chile, Argentina, Paraguay y Brazil, & di e forma aki e gira ‘Mañana será bonito’ lo termina den Latino America.