Gobierno di Aruba a anuncia recientemente un parada nacional di carnaval. Cu e tema y color di bandera di Aruba, participante nan lo mester bay baila y gosa cu nan banda preferi. 

Despues di e anuncio aki tin un grupo grandi cu a keda contento pero di otro banda tin un grupo cu ta pensa Aruba no ta cla pa un celebracion asina grandi despues di a y ta sufriendo pa motibo di un pandemia. 
Gobierno su punto di bista ta, netamente impulsa e micro economia, duna e musico nan “un break”, laga e pueblo gosa un tiki despues di tawata practicamente sera pa dos aña. 

Grupo nan mal contento:
No ta tur grupo di carnaval tampoco ta bay.
Grupo Champagne a sali bisa cu nan no ta bay e parada pasobra nan banda principal Tsunami tin un compromiso e dia ey y no lo keda cla na tempo, ademas un dia despues nan tin un evento grandi. 
Tob a purba inscribi na ultimo momento pero a bin compronde cu nan ta laat y no por participa mas. Durante un reunion ayera a purba di uni Tob, champagne, Nbo pa bay como un solo grupo pero e plan a fracasa.

Carnavalista mes:
Algun Carnavlista di curason ta pensa ta mucho riba man pa organisa algo asina grandi y ta pensa cu e parada no lo bay haña hopi hende banda di caminda y tin un otro grupo di carnavalista cu ta cla pa subi caminda y gosa sin importa sin tin mirones of ken ta organise. 

Polis:
For di Kpa nada oficial a sali ainda pa cu e parada aki, Gobierno a garantisa cu tur stake holder ta in place pa cu e parada aki. No ta un secreto cu e sindicato di polis mescos cu otro sindicato nan ta bringando pa haña 12.6% bek den nan salario. Por a tende caba hopi miembro di Kpa anuncia nan mal contento pa cu e parada.

Conclusion:
Parada ta dia 26 Februari cu 6 grupo te awo e por crece durante siman. Ta cuminsa 8 or di anochi y termina 2 or di marduga. E ruta ta for di ex kooyman pa Ex Dow. Aruba tin su parada nacional cu tur su contra tiempo nan. Y despues di tur esaki Aruba ta conoci pa subi caminda y gosa sin fin.