Camera di seguridad ta capta momento cu auto ta dal mama y su baby di 8 luna. E chauffeur a perde control di su auto y ta dal contra un otro auto pa despues dal e mama cu su baby di 8 luna cu net e momento ey tawata crusando caminda pa despues drenta den un barbershop cu e mama y e baby pega bou di e auto. Tur esaki a sosode na New York, Yonkers. 

Polis nan cu a yega un rato despues a topa cu un escena hopi caotico,

Nan a haña e mama drumi banda di e auto abou na vloer, cu hopi sla na curpa. Polis y tur presente cu tawata na e barbershop ta purba di yuda pa lanta e auto. Den un otro camara corporal di polis presente ta mustra e baby ta move bou di e auto yorando. Despues di un bon rato tratando na lanta e auto porfin e polis nan presente a logra saca e baby for di bou di e auto, Cu hopi emocion e Polis a hisa e baby pa tur hende por a mire. Mesora mama y yui a wordo transporta pa Hospital. Un homber di 43 aña cu tawata burachi y cu no tin rijbewijs a causa e accidente.

E chauffeur y un compañante a sali sin ningun rasca for di e accidente. Polis a detene e chauffeur mesora na e sitio.

E dos Polis nan a bira heroe na e cuidad Yonkers, New York.  Mama y yui ta recuperando den hospital. Un milager a scapa tur dos for di e accidente pisa aki.

Wak video