Bida ta un rato so, mester sa su balor.

​

Ultimamente hopi ser keri ta bay laga nos inesperadamente. 
Sea pa motibo nan di salud, door di accident of door cu e peso di bida tawata mucho fuerte pa nan.
Esaki ta e momento pa nos refleha y realisa cu mayan no ta garantisa.

- Biba sin odio
- Biba sin egoismo
- Biba cu amor pa otro
- Biba agradecido tur dia
- Biba tur dia manera si e ta bo ultimo

Mester acepta y siña laga bay di cos nan cu nos no por controla y cambia e forma cu nos ta wak bida.
E obstaculo nan den bida ta hasi bo mas fuerte pa crea e miho version di bo. 
Cana semper cu un actitud di gratitud. 

Destino no tin aviso, pesey ta importante pa balora bo bida y esnan cu bo ta stima.
No siña aprecia algo ora cu bo no tin e mas, cuminsa celebra bo bida awe!