Awe den programa di Ivo 4 life Jeon aka Biggy Boy a presenta e remix di su cancion M’a Lag’e Kaya hunto cu e artista Kevv di Curacao. E cancion mes a wordo traha un tempo pasa caba. E idea di e remix a nace momento cu Jeon a mira riba social media cu Kevv a canta e cancion. Mesora e reaccion di e fanatico nan tawata pa Jeon graba cu Kevv. E team di e artista a contact Kevv mesora cu tawata na Boniaro e momento ey. E mesun dia Jeon y su team a bula pa Boniaro pa graba e remix hunto cu e video clip. 
Mientras cu e remix a sali awe, Aruba ta preparando pa e concierto di Biggy Boy for ever e fin di siman aki. Dos anochi grandi cu tur e cancion nan di Biggy Boy. 25 Maart ta sold out caba y a resta algun carchi pa e show di 26 Maart. Despues di show lo tin un “after party” cu Upgrade Music.