Bruheria ta un practica cu pa hopi aña ta wordo hasi na Aruba. Pero pakiko tin hopi bruho na Aruba?

E demanda pa hasi trabou cu magia preto ta creciendo mas y mas na Aruba. Practicamente tur dia e encargado nan di Santana ta topa cu bestia morto, potret dera den kelder, jockey, panty y asina por keda menciona cantidad di articulo cu ta topa cu ne den santana. E motibo di mas grandi pa hasi bruheria ta pa trece un homber of un muhe bek cas. Claro cu tin peticion pa hasi daño na un otro por medio di magia preto. Hopi biaha e persona nan cu ta acerca un bruho pa hasi un trabou ta desespera den nan situcacion sin pensa riba e consecuencia cu esaki lo por tin pa futuro. E bruho nan aki ta cobra hopi cen pa hasi e trabou cu hopi biaha no ta duna resultado. Cu ta exsistie magia preto ta un hecho y aki na aruba tin hopi hende ta hasie den scondi. hopi biaha e situacion economico di un pais tambe ta hunga un rol riba e peticion pa demanda pa bruheria. Tin hende no ta kere den bruheria y ta kere den Dios. Abo ta kere den bruheria?