Burger King ta haci Donacion na Fundacion Contra Violencia Relacional.

Desde Oktober 2022, Burger King a cuminsa un campaña pa asina por yuda un fundacion den nececidad, cu na su turno ta duna ayudo na adultonan cu ta encontra nan mes den situacion di Violencia Relacional.
Ta bon pa remarca cu e fundacion aki ta yuda hende muhe y hende homber cu a haya nan mes den e tipo di situacion aki. Ademas di duna un luga pa keda ora ta necesario, FCVR tin e servicionan adicional pa aporta na e bienestar di e famia. Y claramente e instancia aki ta opera completamente riba donacion.
Burger King a organisa den luna di oktober un evento special pa e clientenan di Fundacion Contra Violencia Relacional pa asina nan tambe por a disfruta di un momento unda nan por a distrae nan mes.
Desde Oktober 2022, cu cada compra di un 10pc Chicken Nugget Meal, un porcion di e benta a wordo colecta pa bay pa e Fundacion Contra Violencia Relacional.
Den luna di Februari 2023 ya caba Burger King a haci un donacion y tur esaki hunto cu e pueblo di Aruba, y awor por a haci un donacion un biaha mas.
Burger King kier gradici tur esnan cu a aporta na e campaña aki pa asina nos por haci e donacionnan aki na e Fundacion Contra Violencia Relacional. Esaki sigur nan merece y ta deseanan tur clase di exito pa nan por sigui duna ayudo na e personanan cu mas mester di dje.
Por ultimo Burger King ta invita comunidad pa siguinan riba nan rednan social pa keda bon informa. Por haya Burger King riba Tik Tok, Instagram, Youtube, Facebook.