Cabayero su mihor amigo ta un cabay y e ta cana libremente den su cas. 

Santiago Barbera di 32 aña tin un cabay como su mascota. 
Nan dos ta inseparabel y e cabay di 3 aña ta bon bini hasta na fiesta y comemento na cas. 

Santiago ta describi su cabay Miuccia mescos cu un cacho amigabel.
E mes a crece rondona di cabay y pesey e no lo cambia su mascota pa un otro bestia. 
Santiago ta bisa “Miuccia ta un cabay cu ta gusta ta rond di hende. Ora e tende cu mi ta hasi algo e ta bin wak ta kico ta pasando y semper e ta bin wak si mi kier hunga cu ne.”

Miuccia a nace na 2020 cu un defecto na su pia. E mester a opera na 3 ocasion, cu 6 luna, cu 1 aña y cu 2 aña. 
Santiago a compaña e cabay durante e proceso aki y cuide durante e proceso di recuperacion, ta asina nan a bira miho amigo di otro.
Awor Miuccia ta cana libremente den Santiago su cas, e ta asisti e comemento nan di Santiago y tin ora e ta hasta actua como un ‘bouncer’.
Tin hende cu tin miedo di dje y esey Miuccia no ta gusta, e ta para y blokia e salida pa no laga nan pasa. 
E ta gusta ta rond di tur hende. 
E semper ta pone un pia riba sofa y hasta si Santiago laga un glas di biña riba mesa e ta pasa hole. 

Santiago ta splica cu e por ta dificil pa tin un cabay den cas cu tin su necesidad pero cu e ta bale la pena. 
E ta haya un poco si fastioso na momento cu e cabay kier atencion y Santiago ta trahando of lesando pero esey ta mescos cu tur otro cacho of pushi. 
Por ultimo Santiago a expresa cu e ta prefera di ta rond di cabay enbes di ta rond di hende. 
“Pa mi e ta importante pa e cabay ta comodo, ami ta menos mal.”