Cacho diabetico bandona door di falta di placa pa su tratamento.

Ora cu Kylie Engelhardt a sali di su cas y el a wak e cacho bandona, el a acerca e cacho y el a keda cu ne, cu speransa cu e doño lo a bin bek. Despues di un ora wardando, niun hende no a yega na e sitio. Peculiar ta cu e cacho tabatin un tas cu co’i hunga y Kylie a haya un nota den e tas, cu e doño a laga atras: “Hice lo mejor que pude. Confía en mí, también me rompe el corazón”. 
Kylie a dicidi pa yama un instancia, pa asina nan cuida y keda cu e cacho. Nan a logra hib’e un veterinario pa haci un control, unda a detecta cu e cacho tin diabetes. Na mesun momento a informa nan cu e gastonan pa e tratamento ta bastante caro. Finalmente a rescata 'baby girl' y awor e ta cerca un famia cu sigur lo cuid’e, stim’e y percura p’e haya e tratamentonan necesario.