Victor Danje (27), miho conoci como Bito, ta un hoben cu a nace na Aruba y actualmente ta bibando na Hulanda. For di jong caba e tabata un persona hopi independiente y cu hopi curashi pa tuma e pasonannecesario, p’e sali for di su 'comfort zone' p’asina siña e cosnan nobo. E prome aña cu Victor tabata na Hulanda el a atende un estudio di MBO di Autotechniek. Durante e periodo aki el a realisa cu su pasion ta corta cabey. Victor a dicidi pa persigui su soño y hacie realidad.
​
Na comienso corta cabey tabata djis pa pret. Na 2016 ora cu el a perde su trabou, el a dicidi cu e ta prefera traha pa su mes. El haci su hobby su trabou y esaki ta un di e miho decisionnan cu el a tuma. Victor a corta cabey 3 aña na Aruba y actualmente e tin su propio negoshi na Hulanda pa 3 aña y mey.
​
Loke tabata mas dificil, ora di a bay biba na Hulanda ta, cu den winter solo ta baha 4 or di atardi. Victor ta conta cu esaki tabata dificil, pa uno no tin un pensamento negativo of melancolico, pero cu tempo el a siña di tene su mes bezig y anda cu e situacion aki.
​
Conseho:
" Tuma risico y haci e pasonan necesario, no tene miedo di fracasa, pasobra ta di fout bo ta siña. Where there's a will there's a way!”