Cantante hoben Mexicano mata pa su propio casa den restaurant na Mexico.

​

Otro caso di feminicio ta sacudi Mexico, na momento cu Jesús Hernández Alcocer, di 79 aña, ta tira su casa mata. Ta trata di e caso na un restaurant den Ciudad di Mexico, unda e casa ta los 3 tiro, cu ta mata Yrma Lydya (21), un cantante conoci di Mexico. 

Yrma Lydya, naci dia 17 di september 2000, tabata gusta canta y a participa den 10 novela (cu tabata su pasion), den 6 obra teatral y tambe a ricibi premio Nacional di Cultura, for di Senado na Mexico. Yrma tabata forma parti di e Show 'Gran Diosas', unda e tabata comparti scenario  cu Maria Conchita Alonso, na Mexico. Yrma a logra resalta door di su talento y nan a presente manera e strea nobo di musica di Mexico. Algun dia prome cu el a fayece, el publica riba su cuenta di Youtube, parti di su show den e programa: 'Gran Diosas'.

 

E secretario di Siguridad Nacional Ciudadana, Sr. Omar Garcia Harfuch, a informa cu Yrma y su casa un par di minuutprome, tabata tin un discusion fuerte y despues di esaki a scucha 3 tiro. Consecuentemente Yrma a fayece na e sitio mes. E secretario nacional, a sigui bisa cu: “Jesús Hernández Alcocer (79), abogado di profesion, tabata den presencia di su chauffeur, na momento cu a arest’e.