Chimpanse tawata henter su bida cera den un laboratorio experimental.

Red nan social a conoce e momento impresionante ora cu ‘Vanilla’, un chimpanse di 29 aña a mira shelo pa prome biaha.

Vanilla a dura mas di dos decada pa conoce luz di solo ya cu henter su bida e tawata cera como un obheto di experimento na ‘Laboratory for Experimental Medicine and Surgery in Primates’ (LEMSIP) situa na New York, hunto cu mas o menos 300 chimpanse mas.
Despues di biba 2 aña na LEMSIP nan a hiba Vanilla na Wildlife Waystation, California unda cu ela permanece tur e aña nan aki hunto cu 480 otro bestia.

E chimpanse a keda rescata door di e organisacion ‘Save the Chimps’ cu awo ta celebra e libertad di Vanilla. 
Danki na e programa ‘FedEx Cares’, Vanilla por a keda den e 7 finalista nan pa ser reubica y hiba te na Florida. 
Despues di tanto aña di sufrimento e chimpanse finalmente a mira e luz di dia y sinti e sensacion di cana riba yerba pa prome biaha. 
Den e video por mira e reaccion bunita di Vanilla yegando na su hogar nobo unda cu e macho alfa ‘Dwight’, a dune un brasa y yame bon bini na e santuario aki.

“E ta rekeri hopi hende cu dedicacion pa hasi e mudansa aki posibel y mi ta spera di por yama esaki mi hogar pa semper.”
Asina Save the Chimps a expresa na nomber di Vanilla.