Colapso di pulmon di dama door di uzo exceso di vaping.

​

Un dama residencia na Merca a hay’e ta bay cu urgencia hospital, door cu el a sufri un colapso di su pulmon banda robes. Mesora e dama a dicidi di adverti otro usuario di vaping, tocante e efectonan cu vaping por causa. Tabata riba un mainta, cu Grace Brassell (23) a pone un video riba Tik Tok for di riba su cama na hospital, con su pulmon diripientemente a sufri un colapso. Grace a indica, cu ora el a lanta for di soño, el a sinti un dolor den su ribchi y a cuminsa tosa sanger. Esey a pone cu e mester a bay hospital inmediatamente. Grace tabata adicto na huma “vape” y semper e tabata bisa cu, “vape” nunca por mat’e, paso e ta “solamente” un sabor, cu ta smaak “dushi”. Ora nan a haci un x-ray cu ne, nan a ripara cu e banda robes di su pulmon a sugri un colapso.