Compania Japones ta traha y bende capsulanan di supervivencia contra desaster natural.

​

 Capsulanan flotante diseña pa uza na momento di sobrevivi desasternan natural manera tsunami of horcan, ta disponibel awor na balor di 4000 dollar.

E capsula di supervivencia aki ta un producto di un compania japones, y ta ofrece caracteristicanan di seguridad manera comodidadnan basico na momento di un emergencia.

E capsulanan ta bin den varios color y size. E lo por fit di 2 te cu un total di 10 adulto dependiendo di e 5 diferente sizenan disponibel. E capsula ta asina fuerte y bon traha cu elo por soporta cualkier desaster di impacto halto y alabes drief riba awa. Tambe nan ta ser traha den colornan hopi visibel manera geel briyante of cora fel. E parti interior di e capsulanan tin stoelnan traha cu faha di seguro, y espacio pa warda cuminda pa varios dia. Abo lo cumpra un di e capsulanan aki?