Diahuebs na Padrera, Valle del Cauca, un padrastro a forsa un menor di 9 aña cana riba caya ful sunu como castigo. E padrastro ta argumenta cu e motibo ta paso e mucha ta comporta fresco cu su mama y ta pasa ful dia riba caya, y no ta cumpli cu su tarea nan di scol. E video a yega asina leu cu autoridadnan a interveni y e mucha a bai temporalmente na su tanta. Castigo nan asina ta bai contra e tratado di derecho di mucha y mayoria biaha estado ta interveni den situacion nan asina. Tristo con adulto cu mester sa miho ta trata menor di edad den forma asina. Den e video bo ta wak claramente con un bisiña ta cuestiona e padrastro su compartacion cu e menor di edad. Danki na e video autoridad por a interveni.