Criatura di 5 aña a muri den auto mientras mama ta haci shopping.

​

Na Texas, Merca, un mama a lubida su yiu homber di 5 aña den auto. E criatura a keda cera den auto pa 3 ora, mientras e mama tabata haci shopping cu un otro yiu muher pa celebra un fiesta di cumpleaño. E temperatura tabata asina halto door di e calor, cu e pober criatura no por a soport’e y consecuentemente a fayece. Cu e morto aki, ta suma un total di 6 morto pa aña 2022, unda cu ta lubida mucha den auto.

E criatura di 5 aña a keda den e parti patras den un child seat, te ora e mama a corda riba dje.

 

E mama a declara cu: "nan tabata hopi druk, door cu nan ta den pleno preparacion pa celebra cumpleaño di su otro yiumuher di 8 aña y door di esey e no a corda riba su yiu homber di 5 aña, cu a keda den e auto.

 

E expertonan ta adverti cu lo bay tin un di dos ola di calor di 70% na e pais.  Ainda e autoridadnan, no a divulga si e mama lo bay cera.