Cristiano Ronaldo ta famoso pa su fisico increibel y pa cuida su mes hasta pafo di veld. E delantero no ta bebe alcohol pa motibo di e morto tragico di su tata. 

No ta desconoci cu Cristiano Ronaldo ta gasta un cantidad di placa tur aña na entrenador personal. Su regimen di entrenamento ta estricto, y su dieta ta specialmente traha pa tene e futbolista den e miho forma. Un di e aspecto nan di su dieta ta cu e no ta bebe alcohol y tambe semper a keda leu di humamento. Desafortunadamente e motibo pa abstene su mes di alcohol ta e morto tragico di su mesun tata. Dinis Aveiro, Ronaldo su tata, tawata un alcoholico y a fayece cu 52 aña. Locual ta duel e futbolista mas cu tur cos ta cu su tata no a logra wak su logro nan den deporte y den bida.