Dama a dicidi pa stop di kita su cabeynan na pecho.

Esther Calixte-Bea, (25), ta un dama di Canada, cu a dicidi pa stop di feita su cabeynan ful rond di su curpa. E dama aki ta un pintora y ya pa algun aña el a laga cabey na su pecho crece y e ta purbando di empodera otro hende muhernan pa haci mescos. 
Segun Esther a conta, e decision a bin riba un dia cu el a cansa di yora, cu cada biaha e kita e cabeynan na su curpa, mas esaki ta crece. Pues dado momento el a opta pa djis laga esaki crece y no kit’e of cort’e mas. 
Tur cos a bira visibel na momento cu e mester a modela pa un proyecto cu yama “Lavender Project” na 2019, unda cu e mester a modela cu un shimis y cu bo ta wak su pechonan. For di e momento ey, Esther su berguensa a kita y e no tabata tin miedo mas pa mustra su cabeynan na su pecho. 
Actualmente su meta ta, pa empodera y motiva otro hende muher, pa no tin miedo y berguensa pa haci locual ta haci abo feliz y laga bo sinti comfortabel. 
Sociedad mester siña acepta e manera con abo ta, contal abo ta feliz y orguyoso di ken bo ta!