Dama ta uza sperma di su ex pa sali na estado cu su pareha nobo.

Linda Fruits, un ciudadano di Florida, Merca, a bay viral despues di a comparti su bida riba rednan social. Linda tabata casa cu Christopher Hearting durante 8 aña, sinembargo nan tin 2 yiu: Elliot y owen, di 4 y 2 aña. Linda a pidi e divorcio ora cu el a haya un "despertar sexual". E ex pareha a bisa aunke nan no ta cu otro mas nan ta keda uni pa lanta nan yiu cu e mihor educacion cu nan por manera e 'mihor amigo' cu nan ta. Na november 2021 Linda a conoce Maddy Gross, cual el a namora profundamente di e dama aki. Despues di 6 luna cu nan tabata cu otro nan a dicidi di tin un baby hunto. Pa facilita e proceso di busca un donante di sperma, Linda a puntra su ex casa pa yuda nan. Christopher a acepta y Maddy a keda na estado, incluso e cabayero a ofrece pa ta den e bida di e mucha, pues e pareha a gusta e idea aki.