Dama a nace den prizon y awor el a drenta Harvard pa studia lei

Aurora Sky Castner, di 18 aña, no tabata tin un yegada na mundo facil 18 aña pasa, el a nace den un prizon na Galveston, Texas, debi cu su mama tabata pagando un condena. Durante su infancia el a obtene bon puntonan na scol danki na su tata adoptivo cu semper a motive. Su mentor, Mona Hamby, a descubri cu Aurora ta un mucha muher hopi sabi y debi cu e ta leu di su mama e mester mas guia pa actividad di scol, pero tambe pa momentonan personal. 25 di mei el a gradua como e mihor estudiante di su klas na Conroe High, y awor e ta bay cumpli cu su deseo di mas grandi cu ta drenta Harvard pa studia lei.