Dama ta bolbe casa cu su ex a pesar cu el a haya un otro yiu 

Georgia Lawrance, un dama hoben di Merca, ta un di e personanan cu na momento di dal e paso pa bisa ‘si’ dilanti altar, a pensa cu esaki lo ta pa semper. Pero, manera hopi biaha ta e caso, Georgia tambe finalmente a termina divorcia, cu dos yiu di nan matrimonio y un desilusion enorme den amor.  

Su ex-casa a haya un yiu cu un pareha nobo y algun aña despues, e relacion ey di su ex-casa tambe a termina. Pues tanto Georgia como su ex-casa tabata soltero atrobe. Nan a encontra y a dicidi di bolbe purba, mirando cu tin atraccion y e candela no a paga. 

No tin duda cu relacion di pareha no ta facil awendia mas. Hopi persona ta afirma cu pa tin un romance, mester keda traha riba esaki structuralmente. Manera cu a sosode cu Georgia, un dama hoben, cu despues di varios aña, divorcia di su casa, ta bolbe casa cu e mesun persona, sintiendo mas namora cu nunca.