Programa di radio ta yuda un dama descubri infidelidad di su pareha.

​

Despues di tin 5 aña di relacion, e dama a cuminsa sinti, cu su pareha tabata haci straño desde un par di siman a tras. P’esey mes e dama di Zelanda a dicidi pa acudi na e programa di radio di ‘Sharyn and Jayden on the edge’, pa descubri si acaso su pareha por ta infiel. El a yama e programa di radio y a duna nan permiso pa yama e homber. Sharyn di e programa a yama e homber y haci manera cu e ta amiga di e amante y el a pidi e homber, pa yud’e cu un fiesta di cumpleaños pa e amante. E supuesto amiga Sharyn, cual ta e dama di e programa, a bisa e homber: “Boso por topa 8:00 pm awe nochi na un restaurant y despues bo ta trece cerca mi pa e sorpresa.” E homber a acepta y Sharyn a puntra e homber: “Awo boso ta oficial toch? Paso e lo ta straño pa bay cu un amante, sinta come na un restaurant.” E homber a bisa cu semper nan tabata un pareha. E pareha actual tabata scucha ful e combersacion. Di e forma aki e dama a confirma cu su (ex) pareha tabata infiel. Despues di par di luna e mesun programa a bolbe contact e dama, pa puntra con e situacion a sigui. E dama a bisa, cu el a conoce e amor di su bida y cu den un par di luna nan lo ta casando.