Dama tin 31 aña pero cu un alma di 80 aña.

E dama di solamente 31 aña, Liz, a dicidi pa drenta un cas di anciano, ya cu segun e, su alma a bay cu pensioen. E dama di Filadelfia, Merca a bay biba den un cas di anciano cu un persona riba 55 aña. Riba su cuenta di TikTok (@lizwizdom) Liz a conta cu recientemente el a kibra cu su ex-pareha y p’e motibo aki el a dicidi di bay biba cerca su mayornan bek. Liz a conta cu basicamente su alma a bay cu pensioen, pero su cuenta di banco si ta stabiel y ta dun’e espacio, cu e no mester traha un trabou di 8 ora tur dia. Liz ta sinti cu su alma tin 80 aña! Mayoria di e amigonan di Liz tin mas di 50 aña y nan ta traha plan diario den e zona di e edificio, unda e ta biba, pa bay sea piscina, biblioteca y of les di meditacion. A pesar di e edad relativamente hoben di Liz, el a bisa cu e gusta comparti e momentonan special cu su bisiñanan, di cual un di nan recientemente a cumpli 80 aña y nan a planea un biahe pa bay Austria y celebra esaki.