Personahe di siman: Damian Pinas, un hoben cu hopi potencial den e mundo di MMA.

​

Damian Pinas, mihor conoci como "The Baba", di 22 aña naci na Suriname, un hoben cu hopi potencial den e mundo di MMA. Damian a cuminsa cu e deporte Boxing cu su 17 aña di edad sinembargo, e tabata entrena un tiki di tur cos y asina e la conoce e deporte KickBoxing, despues di 2 aña ora e la haci 19 aña e la cuminsa entrena MMA y a sigui progresa den dje. Damian su 'fight record' di MMA ta 4-1 di kickboxing ta 2-0 y boxing ta 2-1. 2 pelea perdi a siña Damian cu un perdi ta pa bo siña di e erornan y sigui bay dilanti sin 'give up'. Staythayfit ta e team cu Damian ta representa hunto cu un team di Brazil Nova Uniao, e ta train cu nan ora ta prepara pa pelea. Nan ta train 6 biaha pa siman pues, 2 of 3 biaha pa dia. Damian su coach ta Joziro Boye & Stacy Hassell. Damian a menciona cu Staythayfit ta mas cu su team nan ta su famia. Tempo liber Damian no tin mucho pero ora e haya e ta descansa e curpa. 

​

Damian su ultimo pelea tabata na brazil 29 di maart (su prome pelea internacional), tur cos tabata bayendo manera cu nan a plania te cu 1 siman prome cu e pelea, nan a informa cu e contrincante cu Damian mester a enfrenta cu ne, pa un motibo of otro no lo participa mas den e evento. Damian a comunica cu e organisacion inmediatamente pa busca un otro contrincante pa remplasa e bringador anterior, ya cu pa Damian tabata hopi importante pa asisti e pelea aki. Tabata tin varios bringador conoci na e evento aki por ehempel José Aldo, cu den pasado a yega di tin e titulo di campion den e organisacion di UFC cual ta e organisacion mas conoci mundialmente den e deporte di MMA. A puntra Damian con/kico ta defini un bon bringador: "Pa ta un bon bringador bo mester tin e willpower, disciplina, mantene e focus, kere den bo mes y por ultimo traha duro pa por logra unda cu bo ta desea di yega". "Locual ta haci falta den e mundo di MMA na Aruba ta pa worry mas cu e bringadornan salud". Damian su conseho p'e hobennan cu ta interesa den e deporte di MMA ta cuminsa sin miedo, bo no mester tin berguensa cu bo no sa nada ta di un caminda bo mester cuminsa, cu practica bo lo yega leu".