Damita di 14 aña ta cende su scol na candela despues cu a bin descubri cu e tin relacion sexual cu un mayor di edad.

Damita acusa di cende scol na candela pa proteha informacion tras di su celular confisca.

Un damita di 14 aña a menasa di cende su scol na candela na momento cu su docente a pone entrega su celular.
A confisca su celular ora a descubri cu e damita aki a tene relacion cu un homber mayor. 

Den ora nan trempan di dialuna, e incidente tristo aki a tuma lugar na Guyana, unda cu 19 studiante entre edad di 11 y 18 aña a perde nan bida y varios studiante a keda gravemente herida y hospitalisa. 
E candela a cuminsa den e area di e baño nan di scol y eventualmente a kima ful e edificio, na unda 57 studiante tabata habita.

Un candela cu a tuma bombero nan mas o menos 3 ora pa domina completamente. 

Segun Cuerpo Policial a confirma, esaki a keda ocasiona intencionalmente door di e studiante cu a rabia pa entrega su celular. 

E damita responsabel pa genera e candela tambe a kima y ta actualmente den hospital.
Asina cu e recupera e lo ser hiba na un centro di detencion hubenil te ora cu e hasi 18 aña.
E homber tambe ta spera di keda deteni y ta acusa pa tene relacion cu un menor di 16 aña. 

Esaki ta un incidente cu a supera e candela mas mortal di e pais cu tabata na 2016 unda cu 17 prisionero a muri durante un candela den e prizon principal di Georgetown. 

E president di Guyana, Mohamed Irfaan Ali, a declara tres dia di luto nacional pa e incidente tristo aki.