Despues di divorcio señora ta bira ‘sugar mommy’.

​

Kara Miller, un dama di 35 aña di California, Merca, a comparti su storia con su bida a cambia, despues cu el a dicidi di ta un “sugar mommy”. Tur cos a cuminsa despues di su divorcio, unda su bida a dal un buelta di 180 grado. Kara a cuminsa paga $1000 na homber mas hoben cu ne, pa nan por sali cu ne. E tabata tin un relacion cu un hoben, pero el a dicidi di termina esaki, paso e hoben aki tabata tin otro mucha muher y un ‘sugar mommy’ manera e, no ta acepta esaki. Kara a bisa cu e ta paga su hobennan $1000 tur siman, si nan dicidi di trat’e manera cu e kier. Imagina cu no ta solamente e ta duna nan tur siman $1000, pero tambe nan ta haya un bonus mensual di $3000. Kara a indica cu e ta gusta haci esaki, paso e ta wak con contento e hobennan ta bira.