Despues di ta 10 aña soltero dos mihor amigo ta cumpli nan deseo di casa cu otro.

Ora cu Génesis Cueva y Giovanni tabatin 15 aña, nan a priminti na otro, cu nan lo casa. Sinembargo nan a pone un condicion! Esta cu esey lo sosode despues di 10 aña cu nan lo ta soltero. E dama a conta cu el a conoce su casa Giovanni, entre 2008 y 2009, ora cu el a yega scol. Ora el a wak e pa prome biaha, el a pensa cu Giovanni tabata atractivo y el a dicidi di acerca Giovanni. Desde e dia ey nan a bira amigo. For di e tempo ey caba Génesis a cuminsa sinti algo special pa Giovanni, pero un di e amiganan di Génesis a conseh’e, p’e laga Giovanni sinti jaloers cu otro hende y asina wak kico ta Giovanni su reaccion. E dama a sigui conseho di e amiganan y en bes cu Giovanni a sinti jaloers, el a sinta scucha e dama y dun’e conseho pa su futuro relacion. 
Despues di tempo nan a cambio di scol y nan a perde comunicacion. Giovanni na su turno a cuminsa sali cu otro hende. Destino a pone cu nan a bolbe encontra otro na universidad, net prome cu pandemia. Génesis a confesa su sentimentonan pa Giovanni, pero el a keda sin palabra, paso e no a spera cu su amiga di infancia ainda por tin sintimento p’e. Despues di par di dia, riba un marduga pa 2or am, Giovanni a yama Génesis y a bis’e p’e sali for di su cas pa nan combersa. Giovanni a confesa cu e tambe tin mesun sintimento p’e, pero e no tabata sa con pa bis’e y el a bis’e tambe, cu e no kier perd’e! Pues awor nan a inicia nan relacion amoroso y a dicidi di bay biba hunto, unda finalmente nan a casa cu otro.