Despues di ta ausente basta aña Rihanna ta lansa su cantica nobo: “Lift Me Up”.

​

No ta asina comun cu un artista sumamente famoso, ta keda basta aleha for di e mundo artistico. Recientemente Rihanna a dicidi di ta bek den e industria di musica, despues cu el a pasa como 6 aña sin saca un cantica. A penas diaranson nochi el a saca su cantica nobo titula: “Lift Me Up” pa e pelicula “Black Panther”. E ultimo biaha cu Rihanna a saca un hit/album tabata na 2016, titula: “Anti”. Sinembargo, e tabata tin hopi cos andando den su bida, manera; na 2018 el a cuminsa cu su “beauty line” Fenty Beauty, recientemente el a bira mama y e no a dedica mucho tempo den musica. Ta confirma cu e lo presenta den e Super Bowl LVII halftime show den luna di februari 2023.