Dokter ta casa cu su colega y ta fayece lagando e cu ful su herencia.

Un muhe cu cancer terminal a dicidi di casa cu su colega di trabou pa asina e colega por hereda parti di su fortuna ora cu e fayece.
Evi Kalodiki ta un ciruhano conoci na Inglatera cu cancer di pulmon. 
Durante cu Evi tawata hospitalisa su colega Chris Lattimer tawata e unico persona cu por a wak e ya cu nan a hasi manera e tawata su familiar mas cercano.
Despues e la haya permiso pa bishita su famia pero su situacion a bira pio y e mester a regresa hospital.
Na e momento aki Evi a dicidi di pidi Chris pa matrimonio.

E la tuma e decision aki como gradicimento na su colega pa e 10 aña nan cu nan a comparti hunto.
Evi a scirbi su testament mainta y pa anochi e la casa cu Chris pa civil. 
E dia siguiente pastor a bin y nan a tene un ceremonia den e kapel na hospital. 
Den su testament e la dividi su fortuna di mas o menos 12 miyon dollar den seis parti igual pa su ruman muhe, su tres sobrino nan, e sociedad Sarantis y su colega Chris, lagando cada un cu mas o menos 2 miyon dollar. 

Evi a scirbi su testament cuater dia prome cu e la fayece.
Sinembargo e matrimonio a causa cu su testament a keda anula y pa ley ful su herencia a keda asigna na su pareha nobo, lagando e resto di su famia sin derecho na nada. 
E testament di Evi a keda revoca bou di ley di testament 1837 di Reino Uni, unda ta establece cu matrimonio ta revoca cualkier decision realisa prome cu union matrimonial. 

E ruman muhe di Evi no a keda contento cu e y su yiu nan a keda sin herencia y ta pidi corte pa rectifica e decision y reparti Evi su fortuna segun su ultimo boluntad. 
Actualmente Chris y e ruman muhe di Evi ta batayando e caso aki den corte.