Dos muher engaña p’e mesun homber a dicidi di casa y a crea nan mesun famia.

​

Leeanne y Emma Davis- Grassnick ta residencia na Clapham London y nan a conoce otro na 2018, despues cu e mesun homber a gaña nan. Mas tristo ta, cu nan no tabata e unico muhernan cu e homber a gaña! A resulta cu tabatin tres muher mas y asina nan a crea un grupo riba Whatsapp, pa comparti nan storia. Emma y Leeanne a dicidi di conoce otro personalmente na 2019 y for di eynan un amor a lanta. Nan a conta nan storia di amor na The Mirror, unda cu tur a cuminsa cu un combersacion, ora nan tabata comparti e homber su traicion. Despues di esey, nan a dicidi di bay un prome cita romantico. Leeanne a bisa cu, a pesar cu nunca tabatin un relacion amoroso cu un hende muher, e no por a evita di sunchi Emma na final di e anochi di nan cita. Den e caso di Emma, e si tabata tin relacion amoroso cu hende muher y hende homber, pero el a bisa di biaha tambe, cu e situacion cu Leeanne tabata diferente y el a sinti algo “magico”. Nan a cuminsa cu tratamento pa nan por haya yiu y Leeanne a logra trece na mundo un baby, cu awo tin 8 luna.