Dos trahado sexual ta bringa pa un cliente.

Durante fin di siman un video a bay viral unda dos dama tawata bringa cu otro riba caya na Cartagena, Colombia. 

E dos dama nan aki a cuminsa tira palabra pa otro y un di tres dama a bin purba interveni.
Un agente policial a bin papia cu nan pa purba calma e situacion. Sin embargo ora cu e agente a yega un di e dama nan a probecha di e distraccion aki pa asina e scop e otro dama.
E dama a acerca un persona den cercania y dune su tas pa asina e por bay golpia su adversario cu tur comodidad.

Ta trata aki di dos trahado sexual di cual un a rabia paso e otro a kita su cliente, esaki a causa pa ela bira violento door di su rabia y inicia e pelea.
Den e video por mira nan ta dal, scop y ranca cabey di otro.

E agente presente a purba di para e pelea pero e hecho cu polis tawata presente no a impedi pa nan a bolbe enfrenta otro.
E agente no por a evita e pelea y esaki a termina finalmente ora cu un di e dama nan a dicidi di bandona e sitio.

Testigo nan a haya extentions tira abou cu e dama nan aki lo a ranca di cabey di otro durante e pelea.
No ta conoci si e cliente mes tawata presente durante di e pelea of si ya caba e lo a bandona e sitio.