Durante un vakantie pareha a dicidi pa adopta un cacho di caya.

​

Un turista femenino a adopta cacho di caya, ora el a bay vakantie na Peru, paso el a haya duele con e cacho tabata siguie tur caminda. E dama aki a comparti riba un di su rednan social, con su cacho, Stewie, a yega su bida y e video aki a haya mas di 1 miyon bista. E cacho tabata biba na e ciudad di Cusco, Peru, riba caya y tabata sigui e dama y su pareha tur caminda. Mirando e gesto natural di e cacho aki, e dama y su pareha a dicidi di adopta e cacho. Un paar di dia prome cu e mester a bay Spaña bek, nan a haci tur e tramitenan necesario di adoptacion, pa bay cu e cacho for di Peru. E dama a bisa: “Despues de una semana con él, ya era nuestro perro y nosotros para él su primera familia”. Actualmente nan tin 3 aña hunto y e dama a afirma cu esey tabata e mihor decision cu e por a haci e tempo ey durante su vakantie.