E homber nan a atrae e dama nan cu promesa nan falso di cirugia estetico.

A ehecuta tres homber na Iran pa abuso di varios hende muhe den un salon di beyesa.

Husticia Irani a informa cu a sentencia tres homber cu a keda condena pa a droga y viola un decena di hende muher na fin di 2021 na un salon di beyesa ilegal.

Un di e homber nan tawata assistent di dokter y e la atrae e victima nan cu anuncio falso unda cu e tawata priminti nan cirugia estetico.
Sinembargo a inyecta nan cu anestesia pa pone nan drumi y asina a abusa di nan sexualmente. 
E otro dos homber nan a horta medicamento nan necesario pa por logra esaki. 

A declara e homber nan aki culpabel y a dicta sentencia unda nan a ricibi pena di morto.
Segun hefe di autoridad, Mojtaba Ghahramani, e homber nan a keda horca na e prizon di Bandar Abbas diamars mainta pero no a duna detaye di e acto. 

Den e prome luna nan di 2023 a ehecuta mas o menos 350 persona na Iran y na 2022 a ehecuta 582 persona haciendo esaki e cifra mas halto di mundo sigui pa China, segun varios oraganisacion di Derecho Humano, entre nan ‘Amnesty International’.