Edad ta influencia pa e dama haya un cita.

​

Un dama ta afirma cu e hombernan ta muri pa tin un cita cu ne, pero ora nan haya sa su edad, nan ta pens’e dos biaha. E dama a confesa na su comunidad di TikTok (@princessaprilxoxo), cu p’e ta basta dificil pa haya un cita. El a bisa cu e hombernan ta gust’e, te ora cu nan haya sa cu e tin 44 aña. Mayoria di e siguidonan ta comenta cu su edad no ta importa, contal cu e tin un bon personalidad y ta fiel. Sinembargo e ta haya otro hende cu tambe ta comenta, cu e edad si ta conta y por ta un problema, paso si e kier haya yiu, como pareha nan no lo por e ora. Pues e dama a pesar di tin un cantidad grandi di admirador, e no ta logra yega mas leu cu esey…djis di ta un admiracion!