Empresario ta habri porta di su tienda nan pa bestia riba caya no sufri di calor.

E fenomeno di ‘El niño’ a trece un ola di calor enorme ultimamente door di e aumento di temperatura na varios pais incluyendo Mexico.
Na algun parti di Mexico e temperatura ta yega te cu 45 grado.

Ricardo Salinas Pliego, doño di Grupo Salinas, a duna ordo na su empleado nan pa duna refugio na e cacho nan riba caya den su tienda ‘Elektra’ pa asina e cacho nan por ta protegi di e temperatura nan halto.
Elektra ta situa na Gomez Palacio, Durango cu ta un di e Cuidad nan na Mexico mas afecta pa e ola di calor.

Riba facebook a comparti un imagen cu bira viral mesora y cu a conmove tur hende unda cu ta mira varios cacho di caya drumi riba vloer paden di e tienda. 
Mesora hende a cuminsa reacciona riba e acto humantario aki.

“Mi a bisa tur hende cu e ta un ordo pa trata tur pushi y cacho bon na tur mi negoshi nan. Tin un dicho ta bisa cu locual cu bo hasi ta bisa mas dibo cu locual cu bo bisa.”
Asina aki Ricardo Salinas a comparti riba su pagina di twitter.
Hopi hende ta apoya y felicita Ricardo pa e iniciativa aki y ta spera cu mas comerciante tuma ehempel y tene consideracion cu bestia nan.