Explosion di gas a sinti manera un temblor. 

Lekmento di gas ta causa un explosion fuerte den centro na Paris.

Un explosion produci na capital di Francia a tumba parti di un edificio unda cu tawata tin un academia Americano di arte.
E explosion aki a laga mas o menos 30 herido di cual 4 persona ta den estado critico y 2 persona ta perdi te cu ainda. 

Segun rapport di autoridad nan ta conlui cu e explosion a keda ocasiona door di un lek di gas na Plaza Alfonse Laveran cu ta na e centro di Paris. 
E edificio cu a bin abou a ocasiona un candela fuerte cu a exigi reacion inmediato di cuerpo di bombero.
E candela aki a rekeri un total di 270 bombero pa por a paga esaki den dos ora.
Ful e area den cercania di e suceso aki a keda bou di huma. 

Segun testigo nan tawata tin un holo hopi fuerte di gas net prome cu e explosion a tuma lugar.
Hopi habitante den e area a expresa cu porta y bentana nan di nan cas a dal sera duro.
Mirando cu e edifcio ta situa central, hopi persona a sinti e efecto di e explosion aki y a pensa cu tawata tin un temblor tumando lugar. 

Autoridad nan presente na e sitio a informa prensa cu a inicia e buskeda di e posibel victima nan inmediatamente.