Geraldine Vidal tin 6 aña bibando na Hulanda y su nickname ta SherryBerry. E prome aña nan cu Geraldine tabata tin na Hulanda e la traha como Apothekers assistant den Hospital na Rotterdam. Semper e tabata tin passion pa cu beyesa, cu 17 aña di edad Geraldine a cuminsa haci huña. Actualmente e tin su mesun beauty salon na Spijkenisse cual ta serca di Rotterdam "Beauty by SherryBerry". E ta duna servicio pa cuido di huña den su salon y tambe e ta duna les di huña cu su mesun productonan di Nail Culture.

​

Nail Culture ta un Nail Brand nobo cu ta ofrece productonan Professional di huña. SherryBerry a introduci "Nail Culture" na hulanda y tambe na Aruba pa asina brinda e manicuristanan productonan di calidad y duradero na super bon prijs. E productonan di Nail Culture tin hopi beneficio cune. Nan ta saludabel pa e huña natural, vegan & cruelty free y e no tin holor fuerte. Nail Culture a bin cu su Gelpolish Collection cual ta pinta huña semi-permanente, unds cu tin mas di 70 color disponibel y awor tambe expandiendo pa mas producto ariba mercado como ACRYGEL, BIAB y GELLY PRO pa haci e trabou di nail extensions mas facil pa e professional nail technicians y pa asina nan por ofrece lo mihor den salon.