Hoben ta lanta for di coma un rato prome cu lo a keda desconecta di tur mashin.

James Howard Jones di 28 aña ta un hoben biba na Cheltenham, Inglatera.
Na 2022 e la ricibi un golpi fuerte pafo di un club nocturno cu a lage inconciente y cu a rekeri varios operacion pa mantene na bida.
E atacado, Ben Davies di 24 aña, a bandona e sitio y a cambia su paña pa e no wordo reconoci.
Apesar cu a logra salba su bida e la drenta un estado vegetativo y a permanece un aña den coma.

Durante di e periodo aki no tawata tin ningun señal cu ta indica cu James lo bolbe bek. 
Medico nan a declara James cu morto celebral y famia a contempla di hasi donacion di su organo nan.
Sinembargo James a lanta net algun momento prome cu medico nan a bay desconecta tur artefacto cu tawata mantene na bida. 

E tempo di Dios ta perfecto y locual a pone James lanta ta un misterio pero lamentablemente e la keda cu un incapacidad permanente rekeriendo cuido pa resto di su bida.
Su ruman homber, Mark Howard Jones a traha un ‘GoFundMe page’ unda a recauda suficiente pa James por recupera sin preocupacion financiero pa por lo menos dos luna.
Amelia Williams, su pareha actual, a expresa cu e ta hopi orguyoso di dje pa sigui lucha apesar di tur cos.

E atacado di James a keda sentencia na dos aña y cuater luna den prison.