Alviana Arends tin 19 aña di edad y actualmente e ta bibando na Hulanda. E la bay Hulanda pa sigui cu su estudio, Alviana a bisa nos cu ora e la gradua di Havo e tabata conciente cu e no tabata tin hopi caminda pa cana na Aruba den e richting cu e tabata desea di bay. Locual Alviana gusta di Hulanda ta cu tin hopi oportunidadnan cu kisas na cas e no lo por a haña y den tur area di profesion tin posibilidad pa crece. Alviana a describi su bida na Hulanda como 'hectisch' constant e ta bezig cu algo y sin ripara e dia a pasa caba. Alviana su experencia di bay hulanda tabata un poco diferente cu di otro hende nan y e la menciona cu e la topa cu hopi obstaculo na cuminsamento, e la bisa cu aindata coste un tiki tin un rutina vast y e tin problema cu time management pa hinca tur cos den su dia, pero poco poco e ta siña y compronde cua ta e mihor manera.

​

Ora cu alviana tabata biba na Aruba e tabata hopi activo den baile, desde cu e la yega Hulanda e la haña un tiki dificil pa combina scol cu baile y definitivamente e ta haña hopi falta di esey. E ta haña falta tambe di bay lama spontaan. Ora cu e tabata biba na Aruba casi tur siman e tabata bay lama maske ta pa un rato. Baila y bay lama tabata su manera di relaha despues di un siman druk y actualmente e no por haci niun di dos na Hulanda. Un gran parti di ken Alviana ta awe ta danki na su famia e tin un relacion hopi pega cu su famia, nan ta haci tur cos hunto pues ora cu Alviana a bay Hulanda sigur tabata hopi dificil pa laga tur hende atras y cuminsa un bida nobo riba su mes.

​

Alviana ta studiando Toegepaste Psychologie na Hoogeschool Leiden. E studie ta gran parti Psychologia combina cu research y un poco di biologie. Alviana a kies e studie aki principalmente cu aspirashon di por sigui cu criminologie mas despues. E kier combina e dos carera nan aki y verdiep su mes den e field. Ora cu Alviana caba di studia a Hulanda e no lo kier bay Aruba di biaha, e lo kier traha na Hulanda den su field pa por haña mas experencia y mas despues si e tin plaña di bay Aruba. Alviana su estudio tin biaha ta pidi hopi di dje y no semper e ta lage cu hopi tempo liber. Pero ora e tin tempo e gusta bay gym, sali cu su amistadnan y purba conoce lugar nan nobo.

​

Finalmente Alviana su mayor conseho pa e hoben cu ta bayendo Hulanda ta pa informa bo mes mas mihor cu ta posibel di bo studie. Paso ta bay tin dia cu asta lanta for di cama ta bay ta dificil. Busca algo cu bo ta pasiona over di dje y bo ta lanta looking foward pa siña mas. "Don't be too hard on yourself" corda cu tur hende den bo klas mayoria di biaha ta di Hulanda caba y nan lo tin bentaha riba bo door di esey. Abo mester adapta na un cultura nobo, un cas nobo, un idioma nobo y tur esey boso. Ta okay si tin dia bo no ta feel like it y bo mester un pauze pero e mas importante ta pa bo no give up y keda pusha.

​

​