Hoben ta comparti cuminda y combersacion cu homber cu ta biba riba caya.

​

Exeuqiel Agüero, un hoben di 29 aña cu ta biba na Mendoza, Argentina, a comparti riba su rednan social un storia di un homber cu yama Juan Oscar Bardinella di 58 aña. Exequiel a conta cu tur dia e ta wak e homber aki ta busca cuminda den bari di sushi, pa e por alimenta su mes, paso e ta un habitante riba caya. Pero luna pasa, riba un dia cu awa tabata yobiendo, Exequiel a invita e homber aki pa bay come na su cas, door cu el a wak con e tabata bolter e bari di sushi pa haya algo di come. E homber a baña na su cas y te hasta nan a descansa y wak television, mientras cu ambos tabata conta di nan bida. E homber di 58 aña a conta, cu a pesar cu antes e tabata hiba un “bon bida”, el a cuminsa haya problema cu alcohol. Durante un control di polis anochi riba caya, e polisnan a haya droga den su auto y pa e motibo aki, el a bay biba bek na Argentina, paso e tabata bibando na Merca. Despues cu nan a keda papia pa oranan largo, Exequiel a regala Juan un corte di cabey na un barbershop, cu tabata cerca di su cas. Na final di e dia, Juan a regresa cu un sonrisa bek, na e lugar cu e sa pasa su anochinan.