Hoben ta convenci cu nan no a hort’e door di tin un paloma morto den su tas.

​

Un creador di contenido riba social media, Alex Ramter, un musico Mexicano cu ta dedica na entrevista hende riba caya, a entrevista un dama, cu a conta cu un biaha el a evita cu nan a asalt’e y tabata pa un motibo peculiar. E dama ta convenci cu nan no a hort’e y esaki tabata danki na un cadaver di un paloma cu e tabatin den su tas. E hoben aki a conta, cu el a haya e paloma morto den un parke y el a bisa cu el a hinca esaki den su tas. E motibo cu el a haci esaki tabata, paso e kier a limpia su wesonan, ora cu e yega cas. Ora cu e tabata den bus pa bay cas, dos homber a drenta e bus y a menasa e hendenan pa pone nan tas dilanti y pa nan habri e tasnan. Na momento cu e dama a pone su tas dilanti, su celular tabata ring, cu yamada di su mama. Un di e ladronnan a wak e cadaver den e tas y esey a spant’e di biaha. El a haya vies y kisas miedo tambe y p’esey e no a coy e celular ni nada otro, cu tabata tin den e tas di dama.