Homber a bay viral pa su acto heroico cu un cacho.

Na los Angeles, California un dama tawata core bais hunto cu su cacho cu tawata cana banda di dje.
E boxer di 9 aña yama Stone a cay abou na cierto momento y no tawata hala rosea.

Un homber conoci como Jay cu tawata pasando eynan a wak e cacho y inmediatamente a dicidi di asisti e cacho dunando e CPR y respiracion di boca pa boca.
Jay tawata papia cu e cacho y e cacho a cuminsa move poco poco mientras cu Jay tawata dune caricia  y purba di pone sinta. 
Asina cu e cacho a lanta completamente e la cuminsa hunga cu Jay mustrando su cariño y gradicimento na e homber cu a salba su bida.
Jay a termina bisando e cacho cu e lo corda riba dje y pidiendo e doño pa hiba e cacho serca un veterinario.

Apesar cu den e video por mira e doño para hopi rustig, e dama a keda contento y a gradici Jay pa salba bida di Stone. Testigo nan rond tambe tawata hopi contento.

Jay ta un bon ehempel di ta na e lugar indica na e momento perfecto.

Esaki ta un incidente cu a tuma lugar aña pasa pero cu actualmente ta viral un biaha mas.
Hopi hende ta referi na Jay como un heroe y un ser humano bunita.