Homber cansa y harta a purba venena su famia

 

Un homber cansa y harta a purba venena su famia cu veneno di djaca riba un pizza. E autoridadnan a condena e homber mas cu 2 aña di prizon, door di intento di asesinato. Segun informacion e homber y su pareha y su rumannan a cuminsa discuti y door di esey el a rabia asina tanto y el a bay den cushina, coy e pizza den forno, cu ya tabata tin e veneno di djaca riba dje. Na momento cu e ruman di e pareha a ripara cu tabata tin subtancia blanco riba e pizza, nan a yama polis pa e homber. Ora cu famia a descubrie, e homber a grita: “Me tienen harto! Me tienen cansado todos ustedes! Me tienen podrido!”. 

Despues di cumpli su sentencia di prizon tin un ordo di hues, cu e no por yega cerca di su pareha ni e rumannan di su pareha. E caso aki a hala hopi atencion na e ciudad di San Juan na Argentina.