Homber cu a gana lotto miyonario ta buscando pareha pa disfruta di e premio.

​

Kürsat Yildrim, un Aleman di 41 aña residencia na Dortmund, tabata e feliz ganador di e lotto miyonario di casi 10 miyon di Euro. Na momento cu esaki a bay den noticia, Kürsat a haci un peticion pa den e noticianan skirbi: “Por favor, enfatisa den boso articulo, cu ainda mi ta soltero. soltero. Por ta un muher blond of bruin, no ta importa mi, djis mi kier namora”. Kürsat a indica cu e ta buscando un hende muher cu gusta biaha y cu ta cla pa forma un hogar cu ne. Incluso el a bisa, cu e ta spera su futuro pareha ta cla pa ‘kico cu ta’…

Mientras cu Kürsat ta en spera di su “muher indica”, el a cuminsa disfruta di su premio miyonario. El a dicidi pa cumpra un dos auto: Ferrari y Porsche. Mas cu claro tambe el a comparti parti di e premio aki cu su famia, unda cu el a transferi un regalo efectivo pa su mayornan y su rumannan. Kürsat den pasado tabata biba riba caya y ta p’esey el a bisa, cu e kier bay Africa y yuda esunnan menos afortuna, specialmente e menornan.